關於拖蘇問題，水線有電？

[kenny45]

有兩個插座，一個有接水線，一個無接水線
將拖蘇插落無接水線既插座到，用電筆度條水線著燈
將拖蘇插落有接水線既插座到就唔怕
請問各位大大點解？
兩個唔同牌子都係咁，用針錶度條水線對N，有成50v出

[poonkinsun]

致kenny45:
問題好簡單,拖蘇線是三條互紐,
所以當無水線時拖蘇水線感應到電壓,他筆着
而有水線插蘇因水線已接地,插上拖蘇時感應電壓經水線引走，
所以他筆唔着！謝謝討論!kspoon上

[kenny45]

Poon兄你好

咁係個無接水線蘇底，用孖支孖膠加水 新加一個挿蘇出來？情況是否一樣？

[poonkinsun]

致kenny45:
無接水線蘇底不第同無水線(未拆離蘇底計)，首先你的暗箱是否鐵喉鐵箱？(暗鐵箱無水線連接蘇底30年前是可以)
如果是可用他錶試吓氣線對鐵箱有無電壓，如有即表示有水氣。
咁你可把新加孖支線內水線接落鐵箱就有水氣。再接一條水線至蘇底，規例蘇底拆離時要有真水線連通，
如果是後加孖支線，明膠箱安插蘇，這個插蘇應請不要使用，因不合規格！
答你的問題：前級無水線後級點會有？想問你是否有牌電工？謝謝討論！kspoon上

[kenny45]

Poon兄﹕

等我詳盡d講返件事先
早幾日碰個電腦機箱，隻手痺一痺，咪拿d他筆隊個機箱有燈着(插住拖蘇)，覺得奇怪，我將佢插落第二個牆身插蘇，一樣他筆著燈，咪蚊晒d用電設備，(之前叫個師父加插蘇，佢就係哥個無接水線既插蘇用孖支線並左個插蘇出來)，用他筆度下牆身插蘇個水線位，有燈著，咁我咪拆開個蓋睇睇，原先個蘇無接水線，係膠箱，無鐵框在裏面，而新加哥個插蘇有接條水線，我明白前級無水線保護，下一級一定無，但我唔明，點解新加個插蘇個水線位，同個拖蘇插係無水線既插蘇一樣有電壓？？？我以為條線傷左，咪用錶度下，但又無問題
我都唔知點講，希望你明白，謝謝
P.S我不是電工
Kenny

[poonkinsun]

致kenny45:
你現在住的是新樓(暗膠喉暗膠箱)？或是舊樓(明孖支線，明或暗膠箱)？
但兩者正常都應該有跟水線！謝謝討論！kspoon上
叁拾幾年前釘孖支線都跟條14號光身銅線做水線喇

[kenny45]

 舊樓
明膠箱但舖暗藏牆線
其實其他插座都有水線，係唯獨哥個咁o岩無，不過想知點解會係佢新加插蘇到，水線有電壓之麻

[poonkinsun]

致kenny45:
多數做法是暗線暗箱外觀好睇D，你家的安裝我想是暗藏孖支線無用膠管？看藏的是否孖支線就知，
如果藏單支單膠線回南天不要點牆身因會漏電小心！因電線直接藏牆身會加速絕緣膠老化
現唯一方法是由最近有水線蘇駁條水線至無水線蘇用住先！長遠方法更換全屋電線。
謝謝討論！kspoon上

[kenny45]

謝謝Poon兄專業意見，
但我想問，點解係哥個挿座 用孖支線並多一個插座出來，個新挿座個水線位有電？

[poonkinsun]

致kenny45:
因哥個插座無真水線做回路，用孖支線由它並多一個插座出來，看見有3條線以為有水線，但這水線實際是斷開的等同於空電線，
所以它會感應相線電壓,如你用他筆他它因由你身體像回路所以他筆會着燈。
謝謝討論！kspoon上

[kenny45]

感謝Poon兄的詳盡的解答
這討論區真好