等電位區域內和等電位區域外的划分及測試接地故障環路阻抗

[電氣男]

wkw 大師傅大大聲話︰
   並不是所有電氣裝置都需要接駁 [接地保護導體]的.
等電位區域外的電氣裝置是不接駁 [接地保護導體]的。

各位同業先進︰

我唔係扮嘢，我真係理解唔到固定電力裝置可以唔使接駁保護導線。

我屋企把風筒，地盤把電鑽唔使接駁保護導線我就明白，它們唔單只有雙重絕緣，

重係非固定電力裝置及電源保護器件係水氣掣。

但固定電力裝置唔使接駁水線，我就真係唔識？？

[電氣男]

各位師傅謝謝大家對小弟提出問題的解答.
等電位區
(這是簡稱,参閱己接地的等電位區)   {低壓電裝置指南P448頁}
已接地的等電位區
一个區域,區內的外露非帶電金属部分和非電力装置金属部分用接駁方法大致上保持在同一電位,使在故障時可同時触及的外露非帶電金属部分和非電力裝置金属部分間的電位差不會引至触電. {低壓電裝置指南P446頁}

師兄︰

在等電位區域內，做幾多或者唔做[輔助等電位接駁]都係等電位區域內，一啲爭議性都無。

宜家爭議梗既係…等電位區域外無接駁等電位，只係接駁咗輔助等電位，這個做法會唔會立即由

等電位區域外……變成……等電位區域內。

外露非帶電金屬部分既電氣連續性…強度有幾多、持續性又有幾多？？？

可唔可以由只容許 0.4 秒跳掣，提升到容許 5 秒跳掣？我就話唔可以啦！

但總水喉、消防喉、煤氣喉及大廈結構鋼筋就可以做到，因為它們既堅硬度及持久力都好勁。哈！

[電氣男]

11B 基本要求
(a) 自動切斷電流的保護器件，其特性應與裝置的接地安排及有關電路
的相應阻抗互相配合，使在發生接地故障期間，存於該裝置任何一
處外露非帶電金屬部分的電壓，以及存於可同時接觸到的外露非帶
電金屬部分與非電氣裝置金屬部分之間的電壓，強度及持續時間皆
不致引起危險。本守則只載述通常用以符合上列要求的方法，並不
排除可以使用其他同等有效的方法。
註：
哦，原來重可以使用其他同等有效的方法。

(b) 下列情況可視作符合(a) 節的要求：
(i) ......
(ii) 電路如供電予等電位區域內的固定器具，在每一用電點的接地
故障環路阻抗，須能使電流在0.4 秒(註1) 內被切斷。
(iii) 電路如供電予等電位區域外的固定器具，在每一用電點的接地
故障環路阻抗，須能使電流在0.2 秒(註2) 內被切斷。
(iv) 從架空電纜系統獲得供電的裝置，設有電流式漏電斷路器以防
對地漏電。
(v) ......

豪哥︰

為什麼最重要既 11B(b) 備註唔貼出嚟？

佢哋就係我既最佳理據，佢可以証明唔同既強硬度、持久力、對時間係有好大影響。哈




在討論或者爭論之餘，希望大家可以好好享受復活節，開工既開工、放假既放假。

我充心希望復活節後，全球經濟可以復活。假期後見………

[小師弟]

小師兄︰

好耐無見，好掛住您………既貼文。

您既問題我唔係好明，希望唔好回應錯誤。

等電位區域內是屬於適當的間接觸電保護，等電位區域外既輔助等電位唔係唔屬於適當的間接觸電保護，

只不過後者既持夠力唔夠勁。

Dicky 師傅：

貼文...貼文...貼文... 

經師傅您傳功之後，小師弟個腦閉塞病當堂通晒！雖然小師弟都重係覺得如果線路與保護器件在符合各方面的要求之下，保護器件的跳脫時間點會遲鈍到係佢本身規格既最低要求，但聽完師傅您說教後都有小小擔心，但如果將"後者"的持久度再增加小小，這樣可以嗎？

 

[小師弟]

wkw 師傅：

您好！雖然師傅您所說的亦不無道理，但還記得您在不久前發表的這句話嗎？"別自以為是，對別人所發表的，不加理解完全看不入目... 這將會是學習上的最大障礙... "。

小師弟向電氣男師傅所討教的，就正是輔助等電位接駁與等電位區域的內外相關問題，師傅您對間接觸電保護有一定的認識，相信再輕輕思考一下，一定會明白當中意義。另外，您留意一下 Tandy 師傅對您所作出的回應，已經相當清楚了，唔左您去思考了。謝謝。

[電氣男]

wkw 大師傅大大聲話︰
   並不是所有電氣裝置都需要接駁 [接地保護導體]的.
等電位區域外的電氣裝置是不接駁 [接地保護導體]的。

溫兄…溫兄，請給我溫馨提示。搞到您唔好意思，拖您落水係 wkw 主意唔係我，

係佢叫我請教您既！有勞有勞！

假期後回港…聽候佳音。

[wkw]

小師弟師父
  恕我對那些句句挑刃的爭論無興趣, 剛剛CY師父貼左一段王鎮輝先生的文章, 你可以看看…
我加多一句, 等電位接駁, 是一個獨立的保護設計, 將兩個有機會吾同電位的金屬, 接成同一電
位, 防止對地電勢…這個與其他保護器件無關, 輔助等電位亦是這個作用,
其他我在前面已經講曬…(個人意見,吾一定岩) 你自己分析啦….

[Eric Wan]

救命呀！

我支持 wkw ，反對電氣男師傅！

以下一句→

但總水喉、消防喉、煤氣喉及大廈結構鋼筋就可以做到，因為它們既堅硬度及持久力都好勁。哈！

[輔助等電位接駁]唔係用0黎過水氣或借水氣，就算總水喉等都唔係，只係保持不會產生太大電壓差而電死人。

持唔持久有關係嗎？你驚個鋁窗在你間接觸電時會斷水線呀？

結論：等電位及輔助等電位接駁，要求是有所不同，但作用一樣。
        兩者都沒有的地方，又有電氣裝置者，就是等電位區域外。
       

溫馨提示各師傅：任何等電位接駁不是用來借水氣。

[Eric Wan]

全屋電路是膠喉膠箱，只有鋁窗，沒有水喉、煤氣、消防喉、大廈外露金屬.......等其他金屬，

問題一：屋內有沒有需要做【總接駁導體】？

問題二：屋內有沒有需要做【輔助接駁導體】？

問題三：屋內是否等電位區域內？

[Eric Wan]

"洪興"社團在老尖承包一個代客泊車服務，服務枱在夜總會門外，而且有耀眼燈飾，

旁邊 2 米範圍內有政府行車路牌、金屬欄杆、隣店 7 仔廚窗金屬柜、消防龍頭、夜總會大廈入水喉。

問題一："洪興"有沒有需要做【總接駁導體】？

問題二："洪興"有沒有需要做【輔助接駁導體】？

問題三：該服務枱是否等電位區域外？

[Eric Wan]

溫兄…溫兄，請給我溫馨提示。搞到您唔好意思，拖您落水係 wkw 主意唔係我，

係佢叫我請教您既！有勞有勞！

假期後回港…聽候佳音。

電氣男兄：

你去邊道旅行呀？

係等電位區域外定等電位區域內呀？

[W. H. Cheung]

"洪興"社團在老尖承包一個代客泊車服務，服務枱在夜總會門外，而且有耀眼燈飾，

旁邊 2 米範圍內有政府行車路牌、金屬欄杆、隣店 7 仔廚窗金屬柜、消防龍頭、夜總會大廈入水喉。

問題一："洪興"有沒有需要做【總接駁導體】？

問題二："洪興"有沒有需要做【輔助接駁導體】？

問題三：該服務枱是否等電位區域外？

例子好正
等我又舉一個例子，一座唐樓樓梯有一支光管，
左邊1米係樓梯窗，右邊1米係私人鐵閘。

問題一：若果支光管係私人供電，樓梯窗及私人鐵閘有沒有需要做【輔助等電位接駁導體】？

問題二：若果支光管係公眾供電，樓梯窗及私人鐵閘有沒有需要做【輔助等電位接駁導體】？

問題三：若果住戶嫌公眾支光管唔夠光，隔3吋加多支私人供電，二支光管間是否二個等電位區，
又需唔需要做等電位接駁導體

[Tandy]

全屋電路是膠喉膠箱，只有鋁窗，沒有水喉、煤氣、消防喉、大廈外露金屬.......等其他金屬，

問題一：屋內有沒有需要做【總接駁導體】？

問題二：屋內有沒有需要做【輔助接駁導體】？

問題三：屋內是否等電位區域內？

溫兄：

這個貼題的屋，就要看這屋存在什麼的房產類別上？一幢大廈內？或是空地只有這一間屋！

[Tandy]

"洪興"社團在老尖承包一個代客泊車服務，服務枱在夜總會門外，而且有耀眼燈飾，

旁邊 2 米範圍內有政府行車路牌、金屬欄杆、隣店 7 仔廚窗金屬柜、消防龍頭、夜總會大廈入水喉。

問題一："洪興"有沒有需要做【總接駁導體】？

問題二："洪興"有沒有需要做【輔助接駁導體】？

問題三：該服務枱是否等電位區域外？

溫兄：

這幾個問題我試吓答。
一. 不需要。
二. 不需要。
三. 係。

[Tandy]

各位工友：

會唔會覺得奇怪在這個討論內，為了分別等電位區域內或外，大致分為兩派。
在事實上電氣界在世界上的權威也是分兩派，住在高壓電附近人體有無有害？水線打得多好還是打少啲好！在香港也有這樣例子，唔打水線佢好可能唔洗死，打咗佢即死！

如果大家有留意這幾期"今日機電" "老嘢"王鎮輝先生發表的技術稿，就有提及佢以前都主張打多啲"水線"，但現今已改變了！世界權威電氣組織 "IET"前身"IEC"， 權威技術書"IEE 17"也改變了這個想法，但香港沒跟隨。

王鎮輝先生有這兩句口號；
對，就齊齊對
錯，就齊齊.....

昨天的對= 今天的錯
今天的對= 明天的錯

請各位工友細味下這兩句口號！