等電位區域內和等電位區域外的划分及測試接地故障環路阻抗

[wkw]

要唔要？請看守則11D, E, F,
但如果在最惡劣情況下乃大於45KΩ就可以唔使...
否則附近不超過2m距離的非電器裝置的金屬都應該要...

[Eric Wan]

wkw 師兄︰


有輔助等電位接駁既地方，
唔等於它是等電位區域。

有等電位接駁既地方，先至係等電位區域。

唉！好複雜，我都唔明。

只要有良好電氣性接地的金屬，都是等電位區域，不管是電氣或非電氣金屬，亦不管是用等電位、輔助等電位，保護導體，甚至是避雷導體都可以。只在乎其金屬本身是什麼，而接什麼「水線】。

問心講，有乜嘢分別呢？效果都係一樣0者！

唔用「水線】接用電點周圍的金屬，就是等電位區域外，一般可以用水氣掣管，不過我唔敢講你有沒有權唔 bond 水線是否合法？


唔會因為條「水線】名稱唔同就電死人。

[電氣男]

我想問室外分體機個鐵架，要唔要？

要，您的個案在任何惡劣情況之下，
都一定要做輔助等電位接駁。

莫講話大過 45KΩ，就算無限大都更加更加要做輔助等電位接駁。

原因……
分體機外殼屬於…外露非帶電金屬部分，
冷氣機支承鐵架屬於…非電氣裝置金屬部分。

但當分體機外殼和鐵架用拉釘連成一體時，
鐵架已經變成分體機外殼，即係由非電氣裝置金屬部分…
變為外露非帶電金屬部分。

當分體機外殼和鐵架之間的連續性是接近…零，
代表連續性良好，兩者之間就無須水線接駁，

但兩者之間的連續性大過 45KΩ 或以上，
代表連續性不良好，兩者之間就須要水線接駁。

情況就好像用金屬物件來吊燈飾一樣。

[電氣男]

只要有良好電氣性接地的金屬，都是等電位區域，不管是電氣或非電氣金屬，亦不管是用等電位、輔助等電位，保護導體，甚至是避雷導體都可以。只在乎其金屬本身是什麼，而接什麼「水線】。

問心講，有乜嘢分別呢？效果都係一樣0者！

Eric 兄︰

當然有分別啦！分別就係接駁什麼 [水線]。

接駁等電位區位域內既等電位 [水線] 最細要用 6mm2 ，
而等電位區域位外既輔助等電位接駁 [水線] 最細可用 1mm2 ，
您話分別大唔大？

所以兩者之間既故障電流跳脫時間，
有幾拾倍分別。

[電氣男]

並不是所有電氣裝置都需要接駁 [接地保護導體]的.
等電位區域外的電氣裝置是不接駁 [接地保護導體]的。

師兄︰

為免引起不必要既誤會，請解釋清楚何解電氣裝置可以無須接駁保護導體。

[Eric Wan]

Eric 兄︰

當然有分別啦！分別就係接駁什麼 [水線]。

接駁等電位區位域內既等電位 [水線] 最細要用 6mm2 ，
而等電位區域位外既輔助等電位接駁 [水線] 最細可用 1mm2 ，
您話分別大唔大？

所以兩者之間既故障電流跳脫時間，
有幾拾倍分別。

請你回答這句便可以了，其他我都識。

→有輔助等電位接駁既地方，
   唔等於它是等電位區域。

[W. H. Cheung]

當年 D,E 大戰會否再現呢!
好！
排定頭位睇好戲

[wkw]

Eric師父
    其實唔複雜，我覺得你講得出 "可以唔駛用？又唔係雙重絕緣？ 又唔係隔離牛？都可以？"
又識得用水氣掣管等電位區域外，已經比很多人更明白了 ,
我相信為何 "外圍燈放置位置不同可令等電位區域外變為等電位區域", 這點你是應該明的...
   我認為將你句話改為  須要等電位接駁的，就是等電位區域，不須要等電位接駁的，就是等電位區域外，是否好些 ?  無謂監硬吾接水線啦.
   分開區內和區外是有實際原因的...無必要作無為爭辯, 搞清楚始終對自己有裨益...

[CY]

學習中(本人)
首先謝謝各位師傅的討論.
不知村屋等電源總開關需用帶漏電保護型,是否因等電位區域外之原因.

[W. H. Cheung]

當年 D,E 大戰會否再現呢!

向一些近來才上本網站的人講吓歷史，
當年E君：Ericwan，D君：Dicky(即現在的電氣男)，
大戰數十回合。很多討論都有參考價值，在江湖上傳為佳話，
可惜因伺服器問題，大部份暫時未能重現江湖
我重記得當時好似華山論劍，
舊五俠：東邪、西毒、南帝、北丐、中神通。
新五俠：東邪、西狂、南僧、北俠、中頑童。

而此網站當時就係本人、擇善固執、Tandy、Ericwan、Dicky。

[W. H. Cheung]

學習中(本人)
首先謝謝各位師傅的討論.
不知村屋等電源總開關需用帶漏電保護型,是否因等電位區域外之原因.

主要原因，係由於村屋由架空電纜取電，
雖然話香港是TT系統，就算沒有電力公司比的保護導體都可以，
但實際上若果由架空電纜取電，電源的內阻較高，
即預期短路故障水平較低，再加上可能沒有電力公司比的保護導體，
因環境問題，住戶自己的獨立接地極又可能做得不好，
發生接地故障時未必能操作保護器件以切斷電源，
基於疑點利益歸於被告
即有問題時以最壞情形作考慮，
故錶前總開關需用帶漏電保護的功能。

[電氣男]

請你回答這句便可以了，其他我都識。

→有輔助等電位接駁既地方，
   唔等於它是等電位區域。

您問這個問題問得……好難回應，有陷阱位。

我只可以重申一句……有輔助等電位接駁，
而沒有等電位接駁既地方，
就屬於等電位區域外。

[電氣男]

師兄︰

為免引起不必要既誤會，請解釋清楚何解電氣裝置可以無須接駁保護導體。

wkw 師兄︰

唔好逃避，請回應！

[電氣男]

當年 D,E 大戰會否再現呢!
好！
排定頭位睇好戲

豪哥︰

大戰應該唔會啦！

近幾年開始學習太極拳，
脾氣好咗好多！

[cocobee]

向一些近來才上本網站的人講吓歷史，
當年E君：Ericwan，D君：Dicky(即現在的電氣男)，
大戰數十回合。很多討論都有參考價值，在江湖上傳為佳話，
可惜因伺服器問題，大部份暫時未能重現江湖
我重記得當時好似華山論劍，
舊五俠：東邪、西毒、南帝、北丐、中神通。
新五俠：東邪、西狂、南僧、北俠、中頑童。

而此網站當時就係本人、擇善固執、Tandy、Ericwan、Dicky。

希望各武功秘笈可以重現江湖