R牌課程問題

[Dicky - 電氣男]

EricWan 寫道:
真正用 WH 牌的人不應如此多。

唔認同；而家兩電他線，由其係中電，如發現有『不超逾 200 公升無排氣管的儲水式電熱水爐』，而將 WR1 裡面又無 WH 牌既人簽名，唔駛旨意裝錶都得啦！ :-D

[Dicky - 電氣男]

EricWan 寫道:


WH牌是公平的，因為除證明信外還有職訓局的內部考試，多項選擇100題中要50題以上並非靠撞可以合格。

如考 A、B 牌合格人士，基本上都包考到 WH 牌，而考 WH 牌嗰 100 題中，唔超過10 題同『不超逾 200 公升無排氣管的儲水式電熱水爐』既維修及檢查有關，根本就無需讀嗰 20 晚課程。  :-D

[Dicky - 電氣男]

EricWan 寫道:

NS 牌的學問亦不少，如要用10000伏以下牛，緊急掣，高度•...但不會比 WH 多很多。開放 NS 最開心的除我們一群外，應是職訓局(如由他們辦課)。霓虹公司其實簽 WR2A 並非主要收入，很多招牌5年後不是易手就是大修，始終是風吹雨打多，所以只有少數 NS WR2 落在電燈佬手。

唔認同；唔知你有無讀過 WH 牌課程，因為十個讀完十個都話無聊，如果真真正正係教維修及檢查部熱水爐，一晚乜都教哂啦！相對地 NS 牌亦都一樣。

閣下有時間既話，睇吓守則第 26 條，就知霓虹及熱水爐既學問，同我哋既電氣學問相比，真係九牛一毛。

好多戲院、商場、酒吧及卡拉 OK都有霓虹燈裝置，大部分超過 5 年及無受過風吹雨打，閣下點睇？ :-D

[Dicky - 電氣男]

EricWan 寫道:


一句講完，我們想取 NS 牌，興趣大於實用。

唔認同；兩電他線，如發現有霓虹燈，一樣要將 WR1 裡面有 NS 牌既人簽名！ :idea:

[Tandy]

WH、NS 牌當然是實用多過興趣啦工友！

舉例：有一個工業村廠房幾十萬呎地，4組2X2500A 有個 C2 牌已經可做WR2年檢，但就是門口個"食蕉"有個3000W20公升無排氣喉管電熱水爐洗身，加個門口只有2X2呎個招牌用霓虹燈，你就已經企咗响度唔知点算好。 "差打E" 都攪唔掂！死未！ :ss2:

[Eric Wan]

Tandy 工友：
你舉例果個工業村要做年檢，請問你預幾多個電燈佬，幾多個 NS 同 WH 佬？

在香港霓虹行業不足養活很多人，行內亦很保護，我只希望像 WH 般的公平，但講實用 NS 始終不及 A 牌，連 WH 和 H 都不及。

[Tandy]

EricWan 工友：

果然Dicky工友講得冇錯，你的領悟可能有点問題。

我的話題是與預幾多個電燈佬無關，我只需要另有一個電燈佬附帶有NS或WH就可以。他不需要識得如可安裝霓虹燈或熱水爐，連做測試都唔識也得只要有牌可簽證書便可。你個牌做到幾大單工程都無用，等如我有WH牌唔通叫我去裝熱水爐呀！梗喺叫條茂利去裝我簽啦！

NS有得返學讀我一定會去，這樣做一單全部工種都有的年檢便不需外求，所以是實用多過興趣。

正是等同你所講的"[color=990000]但講實用 NS 始終不及 A 牌，連 WH 和 H 都不及[/color]"=我比諭一粒甲甴屎但另你冇哂一煲粥。
 :-D  :-D

[Dicky - 電氣男]

EricWan 寫道:

在香港霓虹行業不足養活很多人，行內亦很保護，我只希望像 WH 般的公平，但講實用 NS 始終不及 A 牌，連 WH 和 H 都不及。

EricWan 兄︰

我認同以上講法，但實用就即係實用，同實用率多小係無關。

一句到尾，攞 NS 牌係[color=CC3333]實用多於興趣。[/color]

 :sante:

[Eric Wan]

test

[Eric Wan]

Tandy 大佬：
我唔敢話自己悟性高，但計數就冇問題。

[Eric Wan]

簽得就要 check ，check 就要人工，人工就是錢，講錢就要分多定少，你估邊道花錢多？霓虹花一工，熱水一工，掣房掣櫃就n工。
如果唔  check 就簽，當然係冇分別！

[Eric Wan]

WH 和 NS 當然有用，我亦希望有齊，諗o左幾年喇！

[Eric Wan]

Dicky 工友：
霓虹師傅最高學問是屈玻璃管，其次是高空工作。
霓虹電力的最高學問是防止高壓擊穿絕緣，防止高壓產生高頻，以上全部都沒有在守則提及。
其霓虹是一個步向黃昏的行業，隨很多新產品推出，例如 T2 , T4,T5 光管，光纖板，燈帶等...都令廣告或照明有更多選擇，以上產品都不用  NS 牌安裝及維修。

[Dicky - 電氣男]

EricWan 兄︰

你所講既霓虹燈學問，守則提都唔提，就知道高深極都有限啦！

而且你所講既霓虹燈學問，生產商都攪掂哂啦！你唔係唔信認可團體制定既標準吓嗎！

 :-D  :-D

[Eric Wan]

Dicky 大佬：
守則係講安全，防止火災，觸電或受傷，所以沒有提及並不代表唔高深。
算喇！如果機電署唔改習慣，我都係 NS 無望。