作者主題: 水線牌問題 (閱讀 20399 次)

shing888 · « 於: 五月 10, 2009, 11:49:43 am »

MCB配電相內是否要有水線牌，如果根據手則所講呢個應該係總接地匯流排，點解工會啊SIR話唔需要呢？

，另外有個人取錶，個他線佬到叫他裝回水線牌。到底點解邊個先係真。

Eric Wan · « **回覆 #1 於:** 五月 10, 2009, 12:45:16 pm »

你0地唔好以為我好鍾意坳頸，相反，一些無傷大雅問題我都懶理。

工會亞 sir 冇錯，菲士箱唔係一般人有權打開，既然是電工的 " 領土 " ，

何必多此一舉呢？但總接地匯流排是要有水線牌，他線佬可以解釋成要落牌。

菲士箱內落個水線牌，我認為好多餘，但個牌唔值錢，我 " 豪 " 得起，而且好多時個牌係二手添。

shing888 · « **回覆 #2 於:** 五月 10, 2009, 01:00:30 pm »

引述: Eric Wan 於五月 10, 2009, 12:45:16 pm

你0地唔好以為我好鍾意坳頸，相反，一些無傷大雅問題我都懶理。

工會亞 sir 冇錯，菲士箱唔係一般人有權打開，既然是電工的 " 領土 " ，

何必多此一舉呢？但總接地匯流排是要有水線牌，他線佬可以解釋成要落牌。

菲士箱內落個水線牌，我認為好多餘，但個牌唔值錢，我 " 豪 " 得起，而且好多時個牌係二手添。

錢不是問題，問題係是否一定要，我覺得唔可以有灰色地帶，一係亞sir講錯，一係他線佬錯。請講明邊個錯！

Eric Wan · « **回覆 #3 於:** 五月 10, 2009, 01:31:31 pm »

江山代有才人出，各領風騷數百年

究竟係邊個話事？

如果你明白以上道理，比你明白 cop 更重要，更會做事順利。

我就完全明白上述道理，所以我亦開始做事順暢。

做得落就做，做唔落就走，爭論係無謂，既改不了事實，亦無濟於事。

菲士箱冇水線;牌會死人嗎？

shing888 · « **回覆 #4 於:** 五月 10, 2009, 01:50:42 pm »

師兄甘深奧，我明白哪下次取錶掛牌，做完除牌。係唔係甘。呢個做法十分消極

W. H. Cheung · « **回覆 #5 於:** 五月 10, 2009, 02:34:32 pm »

引述: shing888 於五月 10, 2009, 01:00:30 pm

錢不是問題，問題係是否一定要，我覺得唔可以有灰色地帶，一係亞sir講錯，一係他線佬錯。請講明邊個錯！

好，估唔到shing888 兄都幾有原則

不過原則同固執祗是一線之差，
"擇善固執"當然是無問題(註：sorry，不是講擇善固執兄

)
為固執而固執是要不得

以下係本人見解：
根據工作守則11G，總接地終端是要有水線牌於當眼處作出提示，
避免有關之保護導體或總接地匯流排被人拆除，
但何謂當眼處？
大家可曾記得，以前的配電箱的總接地匯流排是於配電箱的外面，
在這情形下當然要有水線牌於當眼處作出提示，
但新型的配電箱的總接地匯流排於配電箱內，
需要用工具才可以打開，則可以不用加水線牌。
這原則與配電箱的電木板一樣，
用手打閞配電箱便見到帶電部份，要用電木板阻隔開，
但用工具才可以打開見到帶電部份，便可以不用電木板阻隔。

shing888 · « **回覆 #6 於:** 五月 10, 2009, 02:54:42 pm »

總於有個答案哪。需要用工具才可以打開，則可以不用加水線牌。甘下次又有他線佬同我朋友講要加，都有得講。但係想知呢個答案機電署的人知唔知呢。佢地又是否認同呢？係一個迷

shing888 · « **回覆 #7 於:** 五月 10, 2009, 03:22:05 pm »

根據手則十七B所講，甘輔助等電位接駁導體是否無需要裝水線牌，我覺得係唔需要裝。例如鋁窗和插座之間的輔助等電位接駁導體。

W. H. Cheung · « **回覆 #8 於:** 五月 10, 2009, 07:11:45 pm »

引述: shing888 於五月 10, 2009, 02:54:42 pm

總於有個答案哪。需要用工具才可以打開，則可以不用加水線牌。甘下次又有他線佬同我朋友講要加，都有得講。但係想知呢個答案機電署的人知唔知呢。佢地又是否認同呢？係一個迷

shing888 工友：
做人要轉數高先可以同D阿sir爭議，
重點不在有無用工具，因COP無寫，
你咁爭議未必得。
但重點在COP有寫"當眼處"，
都見唔到總接地匯流排，
何來"當眼處"

W. H. Cheung · « **回覆 #9 於:** 五月 10, 2009, 07:14:48 pm »

引述: shing888 於五月 10, 2009, 03:22:05 pm

根據手則十七B所講，甘輔助等電位接駁導體是否無需要裝水線牌，我覺得係唔需要裝。例如鋁窗和插座之間的輔助等電位接駁導體。

根據COP的最低要求輔助等電位接駁導體係無需要裝水線牌。
但重點在客戶同你份合約有無要求輔助等電位接駁導體要裝水線牌

shing888 · « **回覆 #10 於:** 五月 10, 2009, 09:58:27 pm »

引述: W. H. Cheung 於五月 10, 2009, 07:11:45 pm

shing888 工友：
做人要轉數高先可以同D阿sir爭議，
重點不在有無用工具，因COP無寫，
你咁爭議未必得。
但重點在COP有寫"當眼處"，
都見唔到總接地匯流排，
何來"當眼處"

甘其實話手則無寫，甘無論配電箱內面或出面都可以無需裝水線牌係唔係。我覺得當眼處的意思不是這樣的，根據我的分析應該係連接處附近才是正確。點解我甘講因為他線時你要開配電箱給他線佬他線，佢一定會見到的。

shing888 · « **回覆 #11 於:** 五月 10, 2009, 11:36:15 pm »

等我在細心研究，工作手則2009年版第守則17B接地及接駁導體連接處的警告性告示。初步研究所得結論如下
接地導體與接地極連接處或其附近，即係話總接地匯流排一定要裝。
另外以及每一總等電位連接處或其附近，即係話所有總等電位接駁導體都要裝。
或其附近意思係指線頭或附近地方裝。唔知呢個講法，有無人唔同意呢。

電氣男 · « **回覆 #12 於:** 五月 13, 2009, 12:30:55 am »

工友︰

您細心研究出來既結論，我只可以認同一半。

配電箱總接地匯流排，是無須安裝水線牌。

守則 11G(a) 和 11G(d) 細心研究應該有分別。

我既工種是……裝修類電氣佈線工程，申請電錶無數，十幾年來最多試過三次，配電箱總接地匯流排，安裝水線牌，重只係得中電有要求。

註︰雖然我經常寫錯字，但有一些字係唔應該搞錯，係守則唔係手則

shing888 · « **回覆 #13 於:** 五月 13, 2009, 06:54:44 pm »

引述: 電氣男於五月 13, 2009, 12:30:55 am

工友︰

您細心研究出來既結論，我只可以認同一半。

配電箱總接地匯流排，是無須安裝水線牌。

守則 11G(a) 和 11G(d) 細心研究應該有分別。

我既工種是……裝修類電氣佈線工程，申請電錶無數，十幾年來最多試過三次，配電箱總接地匯流排，安裝水線牌，重只係得中電有要求。

註︰雖然我經常寫錯字，但有一些字係唔應該搞錯，係守則唔係手則

配電箱總接地匯流排，是無須安裝水線牌？點解請解釋！唔通你話中電他線佬錯？佢地叫你裝回水牌，你會保持完則唔落？

電氣男 · « **回覆 #14 於:** 五月 13, 2009, 10:42:30 pm »

引述: shing888 於五月 13, 2009, 06:54:44 pm

配電箱總接地匯流排，是無須安裝水線牌？點解請解釋！唔通你話中電他線佬錯？佢地叫你裝回水牌，你會保持完則唔落？

哎！！！

我咪話試過三次囉！您點睇嘢架！

待續……

最新消息: