冷氣風機控制線

[電氣男]

手則講明表五，第一類和第三類已經唔得哪，自已讀下手則先哪有排電工。甘你就傻，人地笑你傻就真，話相同絕緣就可以同一條喉只是第一類和第二類先可以，我唔會再教你，要看誰給人笑。錯又唔認，又無思想。

============================================================



shing888︰

都叫咗您唔好心急，慢慢諗，慢慢睇清楚囉，您唔單只傻，重可能有白內障！

我有邊段貼文係講……第一類電路可以和第三類電路放在同一喉管或線槽，我係貼文#5 講既例子您唔係真係有白內障睇唔到吓麻？

叫得您睇表5(1) ，就梗係講第一和第二類啦，我和 john 兄講東您就答西，您真係無厘啦更…呀有牌但無料既電氣佬！

[電氣男]

有牌電工 shing888︰

重有呀，睇清楚守則 6B 未呀？搞清楚咩叫做電路電氣性分隔未呀？
如果照明電路和插蘇電路唔可以放同一喉管或線槽，咁係配電箱又如何分隔呀，分兩個兩配電箱呀？您做個工程未架？您都傻傻哋！

都係個句……唔好心急，慢慢諗，慢慢睇清楚守則 5 和 6，我等您…

教我？……憑您……唔好引我笑啦！！
比多啲心機睇守則 6B 啦………睇清楚先好發言呀，唔好立亂發嗡風呀！

比啲提示您呀小朋友，電路除咗有…電氣性分隔，重有電氣性連鎖，
但不同種類電路只有…分隔並沒有連鎖的，學到嘢未呀…有牌電氣佬？

記住回應呀，唔好一走了之呀！哈哈哈………哈哈哈

[linine]

這種感覺,好像多年前的戰場,開始有火藥味,希望和平世界,不要有第二次世界大戰吧

[電氣男]

E 氣電箱還 E 氣電箱，它跟照明電路和插蘇電路可唔以放在同一喉管或線槽有什麼關係？

況且守則 6B 都唔係講 E 氣電，真係九唔撘八？
睇吓眼科醫生啦！

[shing888]

你唔好走，你話第三類電路唔係e氣電。你錯到無藥可醫。喉管同槽都唔識份低能

[電氣男]

Shing888，我唔該您唔好再九唔撘八啦，我講東您就答西，OK？

小朋友，出得嚟寸人，就預咗比人寸，唔寸得咪就早啲抖囉，千奇唔好發老脾發爛渣，[ 您弱智、低能、死人頭 ]既人身攻擊既說話唔好再講啦，要有啲家教！

[電氣男]

這種感覺,好像多年前的戰場,開始有火藥味,希望和平世界,不要有第二次世界大戰吧

我都唔想，我好被動。
寸我認，我對一啲荒謬既言論我會寸，但我唔會人身攻擊。

[shing888]

我都唔想，我好被動。
寸我認，我對一啲荒謬既言論我會寸，但我唔會人身攻擊。

第一話人傻係你講，第二白內障又係你講，話人白內障都唔算人身攻擊？電氣男你唔好話人先告狀呀！我同你講道理，你技藝好參差，識小小和抄別人的文章，斷章取義！我計你認該係騙牌技工。

[shing888]

電氣男不如你我互出工作手則問題，免得你唔認錯。

[電氣男]

有人問有什麼事情好過中六合彩，我就話梗係中兩次六合彩啦！

咁我近期就非常之好好彩啦，我揰到兩位【丁蟹】哥哥！

一個就話
【等電位區域外的電氣裝置是不接駁 [接地保護導體]的】，

另一個就話
【照明及插座線路放在同一線槽及喉管內。工作守則講明是不可以的】。




註解︰電視劇【丁蟹】是一位經常做錯事，但又滿口道理，其實係話人唔識話自己既表表者。

[電氣男]

電氣男不如你我互出工作手則問題，免得你唔認錯。

解脫囉！

再同您糾纏我真係發神經啦！

[電氣男]

6B 電路的基本要求
(1) 保護
( a) 每一電路應設有防止過流的保護器件，其啟動的電流值須密切
配合所連接或預定連接的用電器具的電流需求量以及所連接導
體的載流量。這個安排將確保一旦發生故障時，保護器件可即
時按適當的電流值恊動，從而避免引起危險，如非這樣，電纜
或用電器具便會受到損壞。
( b) 在合理及實際可行的情況下，應避免因其中一條電路發生故
障，而引致裝置的任何不相關部分也被切斷電力供應。建議採
用的措施如下——
(i) 裝置的固定照明設備應安排由兩條或以上的最終電路供電。

(ii) 照明最終電路應與電源電路作電氣性分隔，但可接駁至電
鈴變壓器或電鐘。

(iii) 廚房用的電源電路應與其他電源電路作電氣性分隔。

==================================================

如果守則 6B(1)(b)(ii) 是講照明電路和插蘇電路唔以放在同一喉管或線槽，

那麼守則 6B(1)(b)(iii) 又應該如何解釋呢？

待續…

[shing888]

我發覺原來有人一唔認錯，就會死咬同一問題，唔識唔緊要，學下哪。

[電氣男]

我發覺原來有人一唔認錯，就會死咬同一問題，唔識唔緊要，學下哪。

我錯？錯係邊度呀？錯就錯在陪您顛囉！

您呢？您唔好同我講…您做工程係…照明電路一條喉、插座電路又另一條喉。

哎…算把啦！真係唔應該再回應您。

[電氣男]

表5(1)
分隔第1 類與第2 類電路(連外殼) 的允許安排

安裝方法︰不同導管、管道、管通或線槽——
須符合的條件︰  ————

安裝方法︰同一導管、管道或管通
須符合的條件︰第2 類電路電纜的絕緣，應符合第1 類電路的最高電壓的要求

安裝方法︰同一線溝或線槽
須符合的條件︰( a) 第2 類電路的電纜，應與第1 類電路的電纜有效分隔； 或
( b) 第2 類電路電纜的絕緣，應符合第1 類電路的最高電壓的要求

安裝方法︰同一多芯電纜、軟電纜或軟電線
須符合的條件︰( a) 第2 類電路的線芯，應使用具有第1 類電路線芯同等載流量的接地金屬隔層，與第1 類電路的線芯分隔； 或( b) 第2 類電路線芯的絕緣，不論個別或整體地，應符合第1 類電路的最高電壓的要求

===================================================

好明顯第 1 類與第 2 類電路係溝得埋既！
重複，係 1 同 2 ，唔係 1 同 3 。OK

既然 1 同 2 都可以溝得埋既，出題者所講既冷氣電路是屬於第一類，它當然可以和同屬第一類電路既照明及插座電路放同一喉管內。

呢單解決。