電器工會討論區
技術區域 => 機電技術 => A牌電工 => 主題作者是: air 於 十月 21, 2007, 06:25:55 pm
-
EMSD的發牌制度是否需要檢討..有無問題存在..?
1.20晚電工電氣打磨是否有存在價值
2.現在的電工技能測驗巳不能反映一個專業電工的技能
3.職訓局的電氣技工證書又重量不重質
4.B級註冊考試..應為考一個選擇题試合格就可以反映一個專業電工的知識和C級註冊考試合格率比較就可以知道因C級註冊考試要考長题
5.工作經驗信件到現時都十分兒戲
6.各位同業如以上真係事實大家想人工高福利好真係好難..
以上純粹善意討論如有錯漏請指證 :)
-
AIR兄：
純作討論，得罪勿怪。 :laugh:
1.20晚電工電氣打磨是否有存在價值
多一個途徑比我地考牌，幾好wo
2.現在的電工技能測驗巳不能反映一個專業電工的技能
我有同感。不過不嬲都係考試同實際工作有距離，包括讀書個陣
3.職訓局的電氣技工證書又重量不重質
冇意見
4.B級註冊考試..應為考一個選擇题試合格就可以反映一個專業電工的知識和C級註冊考試合格率比較就可以知道因C級註冊考試要考長题
我覺得個B試都已經體現到個技術水平，不過夠唔夠就唔敢講。講到合格率，B仔約20%，比起C仔2~3%，確實高好多，不過唔好忘記，攞C仔既工友成就感都大好多啦
5.工作經驗信件到現時都十分兒戲
如果個個都守法，就一D都唔兒戲。今年年初署方一渣緊工作證明，個個即時怨聲載道，好多散工老友都攞唔到牌。所以『工作經驗信件』呢件野係雙刃刀，好易傷人又傷己
6.各位同業如以上真係事實大家想人工高福利好真係好難..
我諗同發牌制度冇直接關係挂。我而家攞住個A仔，又真係高人工過個冇牌
-
唔知麥經驗都沒能不能去讀夜校拿A 牌？？？？？ :o
-
這個真的無辦法、早期真係有的三九唔識七的都有A、咪攪到有的有意投身這行的想得到個牌都困難重重。
-
唔知麥經驗都沒能不能去讀夜校拿A 牌？？？？？ :o
麥經驗都沒，讀夜校就得。要攞A牌，始終要有電器工程工作經驗。況且，冇經驗，係咪咁易PASS到A牌個實務試啊 ??? ???
-
1.20晚電工電氣打磨是否有存在價值
其實個課程比技能考試識既野會多D,會講下CT,掣櫃,同埋測試同條例既野多D,不過就好易考到,自己考過覺得.......
2.現在的電工技能測驗巳不能反映一個專業電工的技能
尼個技能測試都只係一D其本知識同實務,自己都考過合格不難........
3.B級註冊考試
如果做保養維修會易考D,因為會多D機會接觸到,都係條例多.....上下堂比心機合格不難...! :laugh: :laugh:
4..各位同業如以上真係事實大家想人工高福利好真係好難..
其實如果想高人工高福利,就一定要入大公司,同埋要英文有一定水平同埋要識其他工程有關既知識....
其實小弟係一個油漆,泥水出身既,考左CITA技能證書先入左保養維修做,跟隨先考A牌,因為現在太多人有A牌,所以要有一定竸爭力先可以人工高福利好.....