電話上工會問 c 牌課程 + 失望

[W. H. LAU]

早前報讀 b 牌課程未上堂，諗住順便打電話上工會問下有關 c 牌之課程時間好讓我計劃下 d 時間，點知一打上去，問今年已經開左班既時間係由幾時到幾時，點知對方好不耐煩答我”留電話轉頭覆”，我表明我唔係想追報今年既班，只係想知道下個 schedule 作參考，點知對方仍然話”已經開左班，出年再問過”．我就係知道已經開左班先問，係唔係我無生意俾工會做就用咁既服務態度先，我好日都唔打上去問野，一打上去就咁，唉．．．

當我問完班期再問學費後，情況更甚．．．．

呢次都唔係第一次奶野，之前有一次又係咁：
我睇完入會細則後，首先打電話問有關入會事宜（那時我再三說明現職並非從事電，之前是的），對方（男）說我可以入會；到我親身上到工會，對方（女 receipient）話我唔可以入會，用會章黎招呼我，我就係知有會章所以預先問定先，結果都係 high 野．唉．．．

[Tandy]

whlau 兄：

你的個案是否在汝洲街發生？ :-o  :-o  :-o

[W. H. LAU]

你咁樣問我使我懷疑係唔係個個中心會有唔同既答案？！

係，我係先打上汝洲街問，再上汝洲街辦．

[info]

Whlau兄：
         對於你所遇到的情形深感抱歉，我會把此意見轉達到工會秘書處，作出檢討及改善，希望閣下再次垂詢時，不會再有不愉快事件發生。
再次多謝閣下的寶貴意見。

[Dicky - 電氣男]

whlau 君︰

你在汝州街的個案實屬小兒科！

我入了工會廿年，做足會員本份，交會費最小都交咗十八年。
報讀課程或講座時，在出示會員証(03XXX)之情況下，也一樣受氣！

汝州街辦事處那位小姐之所以態度有問題，我相信理由只有一個；

就是汝州街工會太旺場啦，每一日都有好多「無厘頭」既人士上去「攪攪震」，問續牌又好，問課程又好，啲行為又粗魯又無聊，攪到辦事處那位小姐都好無癮。所以我估計佢就對任何人士都態度唔夠親切啦！\r

信我，灣仔及葵涌工會辦事處那兩位小姐，態度夠哂誠懇親切，下次去灣仔及葵涌，山東街及官塘都無問題，唔好再去汝州街啦。

 :pint:  :idea:  :sante:

[Eric Wan]

whlau先生：

你好，我記得你係碩士，你很久沒有貼文了。

我就好歡迎你入工會，雖然我唔係有權批准或拒絕o既人，但係你會有很強的理論基礎來彌補我們不足。

雖然我唔知邊個開罪你，但我好鍾意原諒女性，算喇！
要唔要介紹人呀，我得O架。

 :lol:

[Eric Wan]

Dicky 工友：

你話→信我，灣仔及葵涌工會辦事處那兩位小姐，態度夠哂誠懇親切，下次去灣仔及葵涌，山東街及官塘都無問題，唔好再去汝州街啦。


你冇o野呀？ :-?
葵涌果位雖然係我認為工作態度最好的一位，但明明係亞嬸，你叫佢小姐會有誤導成份，萬一 whlau 工友仆上去見到亞嬸，可能令佢再一次失望。\r

但係我肯定她是的工作態度連劉德華都讚。
 :genial:

[Tandy]

EricWan 工友：

我稱呼她做亞姐，你就叫她做亞嬸！你大鑊啦哩次！你再上去佢實打你個頭。\r

 :hammer:  :hammer:  :hammer:

[Tandy]

各位工友：

講真一句在工會內所有員工及義工，都很用心地去幫我們的工友忙。

那又問吓劉德華有沒有教人做顧客的應有態度？這是要兩方面付出。whlau 我不是說你而是說其他有問題的工友，真的有工友出一些九唔撘八的問題，令你在旁聽到都會頂唔住幫工會頂佢兩句。我就最少遇過兩次，一個是揾工會幫佢攞牌，一個是讀完課程揾嘢做。

講真我都受過那位小姐的氣，算啦！佢再培訓下會好啲?謚捸I唔好再怪那位小姐了。包容..包容.. :-D  :-D  :-D

[Dicky - 電氣男]

EricWan 老兄︰

我就無嘢嘞，不過呢次你就。。。

我有理由相信你性別歧視及年齡歧視！

今舖你真係有嘢嘞工友！

 :-D  :-D

[she]

Tandy 寫道:
各位工友：

講真一句在工會內所有員工及義工，都很用心地去幫我們的工友忙。

那又問吓劉德華有沒有教人做顧客的應有態度？這是要兩方面付出。whlau 我不是說你而是說其他有問題的工友，真的有工友出一些九唔撘八的問題，令你在旁聽到都會頂唔住幫工會頂佢兩句。我就最少遇過兩次，一個是揾工會幫佢攞牌，一個是讀完課程揾嘢做。

講真我都受過那位小姐的氣，算啦！佢再培訓下會好啲?謚捸I唔好再怪那位小姐了。包容..包容.. :-D  :-D  :-D

Tandy兄呀Tandy兄：

小弟同意各下所說：這是要兩方面付出。

小弟上工會算小但都見過兩次以上見工會小姐帶埋老母返工。
 
一次係因為個會員遲交會費收到工會繳費會費通知單，佢話工會好追會費，係度搵人老母半個鐘。\r

一次係上安全課程遲大到。個學員一聽到句發咭問題小姐都未講完，個學員就破口大?薄I

小弟好相信係呢兩年搵食難的效應。但都唔使將D氣發在小姐度呀。

小弟對此（算啦！佢再培訓下會好啲?謚捸I）有所保留。包容..包容..

[W. H. LAU]

謝謝各位寶貴意見.

[she]

whlau兄：

whlau兄是從事教育工作，閣下想入會相信已超晒班。小弟相信閣下個案屬誤會居多。

小弟遇到個案一個在汝洲街，一個在葵涌。

小弟所引用個案並非指閣下，閣下唔好誤會呵。如有誤會，請多多包容。