新手刀掣一問~THX!

[dickwong]

小弟有d疑問?
堂堂一個大工會技術討論區,居然冇訂任何板規,容許某d資深會員用大話西遊,亂咁吹水,答非所問方式回應一d會員技術上問題.小弟對這技術討論區非常失望,煩請板主正視.........
 

[電氣郎]

dickwong 兄：

我不同意你的講法，討論可以有好多型式，太過學術的我聽不懂，這樣嘻笑怒罵說反而我吸收了。要學術的以前呀sir已教了你，不過都有點唔明，再說都是不明，反過來用另一種輕鬆方法你會聽得明，現在一街都是的補習社就是這個方法吸引學生的。

學術討論區實在太多，上網世界各地都有，但這樣的我想只有工會這個，平時工作已好大壓力，看這個又學到嘢又爽！

dick 兄 不如學術你做版主的答好了！

[dickwong]

電氣郎兄:
   
     我只剛做了五個月學師仔,本想在這討論區增加多d電學智識,但仲是只見一d與
技術無關無里頭回應,唉..作為一個提問者遇到咁樣回應,會有咩感想? (可能我多事啦)
電氣郎兄你不如去下d個技術交流區 >> http://www.thp.com.hk/entry.html 睇下d大師傅點用尊重加真誠去回應各會員提問,你睇過就知有多大對比........

[dickwong]

對唔住呀板主!
我唔係在這買廣告,
只係想電氣郎知香港有厘d 識尊重提問人討論區

[電氣郎]

dick 兄：

真係好大分別，識尊重提問人討論區，但有些回應都和工會網差唔多(寸)。

它是一個商業味重的討論區，多是關於家居維修DIY問題。問的多數唔係行內人，答當然會唔同。

工會討論區多數是行內人，比拼下在所難免，在這都比人寸一兩句都受唔起，出去點工作？做電的就是這樣奇怪，時常都要互寸及比拼，我時常都會和機電工程顧問一同工作，初見面一定交一兩下手見下高低，見真章後就會好老友，因一般紙上的嘢佢地會勁些，但講到做的就輪到我了，地盤內千變萬化，他不聽我的死梗。
但最難攪的是管理公司的工程部，山寨王唔合理的你都要跟佢做，因他是收貨的，我的工程顧問都爆血管。

[電氣郎]

DICK 兄：

在這個主題都有幾個回應答得好好，難道你睇不明白？

在新色碼TANDY哥答ERIC哥的新舊色碼問題，用了多仔婆的比喻，我之前都有同樣問題唔明，但一看了會心微笑頭頂燈泡亮了明白晒！

觀點唔同我就好受。

一同努力吧師兄！

[dickwong]

電氣郎師兄:
 
    我可能係好好彩,
                           
未比我跟的師傅(寸過小過)                                 

一個是B0 另一個是C0                   

他們真是有收養的大師傅,哈哈!

[Tandy]

dickwong 工友：

唔比師傅小過是唔會將成長大的，只是大小定細小，在我公司無一個學師未被我小過，當我唔小佢哋的時候，一是已經好醒，二是已被我放棄，多是後者居多，今天才有兩個又被我小，一個今天應成了返工但玩失蹤，攪到個師傅一人做點穿線，攪到我要飛車去幫手，做完再去第二個site，又被另一個學師玩死，長程唔講咯！激氣！唔講啦訓教！

[W. H. Cheung]

對唔住呀板主!
我唔係在這買廣告,
只係想電氣郎知香港有厘d 識尊重提問人討論區

既然dickwong話我地呢班老人家唔正經，
唔尊重提問人，咁我就正經些，
希望能滿足你

[W. H. Cheung]

Switch Fuse(S/F) 及Fuse Switch(F/S) 經常令人混淆不清，
當年我都搞唔清楚
以下係我的見解
若搞錯了還請各位工友指正
Switch Fuse(S/F)，顧名思義，
是由開關(Switch)及熔斷器(Fuse)組成。
次序上是先開關，後熔斷器。
因此開關接電源，熔斷器接負載。
亦因此不可以反轉來接線。
一般來說，刀掣部份(開關)並無滅弧室，
故此通常為100A或以下的較小型的切斷電力的裝置。
優點：
1. 結構相對於F/S簡單。
2. 相對地較平宜。
缺點：
1. 要分出入方向。
2. 由於負載端與熔斷器相連，若線路有問題，
  負載有回頭電，換Fuse時有可能觸電。

[W. H. Cheung]

至於Fuse Switch(F/S)，並非是先Fuse後Switch，
而是由Fuse 組合成Switch，千萬別弄錯，
例如早期的西門子(F/S)，正面一個門，上端有手抽，
鬆螺絲再大力向下一拉，三條灰士連門一齊被拉下來。
又例如發達佬(Federal)的200A(F/S)，
三條灰士連托架構成開關(Switch)，
切斷開關時，整個托架由下面的底座整個抽出，
一般這動作叫Twin Break Function，
雖然一樣無滅弧室，但由於上下一起動作，
加快了切斷電弧，故此較大電流一般會用Fuse Switch(F/S)。
優點：
1. 通常不用分出入方向。
2. 斷開時，Fuse由於與負載及電源皆不相連，就算線路有問題，
  負載有回頭電，換Fuse時一樣不會觸電。
缺點：
1. 結構相對於S/F複雜。
2. 相對地較貴。

[W. H. Cheung]

但一些較大型及較新款的Fuse Switch(F/S)，
三條灰士連托架是不會移動，
是由上下二組移動臂接通托架，
根據IEC60947，這種形式仍然定義為Fuse Switch(F/S)，
但由於移動臂即是開關，故此就算叫Switch Fuse(S/F)亦無錯，
計我話最好叫Switch Fuse Switch (S/F/S)，可惜無人咁叫，
若果咁叫，一定被人問：大叔，你有無牌架，『生草藥，亂咁(口翕)』

[dickwong]

實在太好喇!!!                                                                                         

板主帶頭過料.....我地受惠了!!!!                                                                     

10000000000000000000000000000000000000000000000 X thanks

[niu niu]

講起刀制,唔知各位師父、師兄,有沒有遇到以下情形(舊公司8年前),有次商場負責做發達佬60A三相表前炮仗刀制,公司同事説刀制打唔起,因要看菲士後收貨,叫我幫手用力打(好彩刀制前有制關)打完一望,才發覺刀制出綫位行左左邊刮線見銅。想問一問各位點睇,及無及時發覺時他線時責任歸誰。

[W. H. Cheung]

講起刀制,唔知各位師父、師兄,有沒有遇到以下情形(舊公司8年前),有次商場負責做發達佬60A三相表前炮仗刀制,公司同事説刀制打唔起,因要看菲士後收貨,叫我幫手用力打(好彩刀制前有制關)打完一望,才發覺刀制出綫位行左左邊刮線見銅。想問一問各位點睇,及無及時發覺時他線時責任歸誰。

這是安裝的師傅不小心，並無注意刀掣的活動部份。

另外，題外話，唔好嬲，
ox ox工友，點解你叫ox ox
1. 你鐘意劉德華個二隻黑色同白色公仔。
2. 你鐘意牛牛，所以叫ox ox，
但你是否知道ox同bull二樣同是指公牛，
二樣有何分別
我見到你的名時差些笑到噴飯