電器工會討論區
雜項 => 電子平台使用說明 => 主題作者是: king 於 十一月 15, 2009, 01:26:01 am
-
小弟有d疑問?
技術討論區,居然冇訂任何板規,容許某d資深會員用大話西遊,亂咁吹水,答非所問方式回應一d會員技術上問題.小弟對這技術討論區非常失望,煩請板主正視.........
dickwong 兄：
我們認為你太抬舉我們的討論區了。
1.我們是一個『堂堂大工會』不錯，但我們的討論區，我們認為並未能登大雅之堂。
2.我們討論區其實有版規，在你註冊時應該已經顯示出來，想來你並未認真細看。
3.我們盡最大努力，保持寬鬆的交流環境，以盡量滿足言論自由的要求，『紅燈亮時不準過馬路』的規定，dickwong兄自問能100%緊持嗎?是不是每次犯規，都會被罰?我們希望『無為而治』(唔係我想偷懶做少D)，由大家自律。
4.這裡是一個討論區，不是『討教區』，我們的版主會盡量提供參考意見，卻不能判定生死，大家須要討論空間，『辦法總比問題多』，推而廣之，『答案總比問題多』，未必每個問題都有標準答案或權威答案，只能讓大家按自身經驗，看別人的回覆能否幫到自己。若要找答案，我們相信，必要經自己努力鑽研，刻苦求學，不羞恥下問，才是上策。
5.有句話『免費最貴』。在這裡要吸收養份，雖說不大，還是要付出代價的：如果你肯付出此許時間和耐性，你一定有少許得益。 :)
6.我們也不認為『大話西遊,亂咁吹水,答非所問方式回應一d會員技術上問題』是一種恰當的行為，但我們相信這是會員間的溝通方式，是行業文化的一部分(畢竟文無第一，武無第二，即係冇人肯認自己係第二)。如果大家貼文都要正兒八經，那這裡是一定很安靜(冇人睇)。
7.『真理越辨越明』，大家你一言我一語，可能合理答案就會出現了。
8.你的關注，是我們改進的動力，這樣『意見』才顯得珍貴。
多謝你參與討論，多謝你的意見；希望你能接納這種溝通方式，歡迎來到我們討論區，歡迎加入電器行業! :D :D
-
勁哥，人如其名，好勁!!!
講出一眾義工之心聲 :o
dickwong 兄：
我們認為你太抬舉我們的討論區了。
1.我們是一個『堂堂大工會』不錯，但我們的討論區，我們認為並未能登大雅之堂。
無錯，雖然我們是電業界以至建造業一個很大的工會，但網站人氣甚弱，
坊間隨便一個工程討論區之人氣及發帖每天多過我地幾倍，
故大家仍需努力，
-
dickwong 兄：
3.我們盡最大努力，保持寬鬆的交流環境，以盡量滿足言論自由的要求，『紅燈亮時不準過馬路』的規定，dickwong兄自問能100%緊持嗎?是不是每次犯規，都會被罰?我們希望『無為而治』(唔係我想偷懶做少D)，由大家自律。
4.這裡是一個討論區，不是『討教區』，我們的版主會盡量提供參考意見，卻不能判定生死，大家須要討論空間，『辦法總比問題多』，推而廣之，『答案總比問題多』，未必每個問題都有標準答案或權威答案，只能讓大家按自身經驗，看別人的回覆能否幫到自己。若要找答案，我們相信，必要經自己努力鑽研，刻苦求學，不羞恥下問，才是上策。
5.有句話『免費最貴』。在這裡要吸收養份，雖說不大，還是要付出代價的：如果你肯付出此許時間和耐性，你一定有少許得益。 :)
6.我們也不認為『大話西遊,亂咁吹水,答非所問方式回應一d會員技術上問題』是一種恰當的行為，但我們相信這是會員間的溝通方式，是行業文化的一部分(畢竟文無第一，武無第二，即係冇人肯認自己係第二)。如果大家貼文都要正兒八經，那這裡是一定很安靜(冇人睇)。
好？
-
KING SIR 勁！ :D :D :D
-
Cheung 師兄:
坊間隨便一個工程討論區之人氣及發帖每天多過我地幾倍 <<<你說得冇錯!!
上黎問野會比人咁樣回應,仲有人敢去提問咩?
擁有超高技術又如何,可以帶得落棺材咩,不如無私教下d後輩,壯大電燈行業!!!!!
-
我以前都時常教人與及分析問題, 不過好易撞板 .
因為憑三言兩語的問題很難了解全面情況 ,
所以唔係唔想教 , 雖然知識不多 , 但就算知都, 也不一定可以解決別人心中的問
題 ,結果害了人 .好像找舊材料, 我提議到一豐電器行找, 結果累人白跑一趟.
還有, 有一些問題問得詞不達意, 所以無從著手.
如果你有留意 EMSD 的回答問題方式, 你更摸不著頭腦 , 他們很多時會回覆你參閱守則第幾章節.這是你冀望的嗎?
11月27日又是業界的大型研討會 , 希望閣下登記取票和出席,更希望 EMSD 不會用上述方法回答 .
-
無私！有幾多人可做到？我相信你都唔例外，這個世界是無免費早午晚餐，茶餐都無！
老師要出糧，學生要交學費，無私都要生活費。
擇兄就無私去了四川，但無私前都小人不少，可能現在是去反思！ ;D ;D ;D
-
老擇兄係講真去了四川？
-
Cheung 師兄:
坊間隨便一個工程討論區之人氣及發帖每天多過我地幾倍 <<<你說得冇錯!!
上黎問野會比人咁樣回應,仲有人敢去提問咩?
擁有超高技術又如何,可以帶得落棺材咩,不如無私教下d後輩,壯大電燈行業!!!!!
dickwong工友：
個人所見，有好多上來網站的師傅已經是無私地教下d後輩，
就以這主題刀掣為例，應該曾經討論過，
你找舊文看看便可學到更多，
你所說的問題係有些少，但不算嚴重，
因為：
1. 因為我地呢班手作師傅，大部份學歷不高，
就算該問題完全懂得，但奈何不懂教學技巧，
不知如何去表達。
2. 因為此網站是為工友而設，需要用工友懂得的知識及數學去解釋，
先要摸底才可因材施教。
-
我以前都時常教人與及分析問題, 不過好易撞板 .
因為憑三言兩語的問題很難了解全面情況 ,
所以唔係唔想教 , 雖然知識不多 , 但就算知都, 也不一定可以解決別人心中的問
題 ,結果害了人 .好像找舊材料, 我提議到一豐電器行找, 結果累人白跑一趟.
還有, 有一些問題問得詞不達意, 所以無從著手.
3. 正如Ericwan兄所言。
4. 最近有一高手朋友，他經常上來但從不發貼，
他同我私底下傾，要放手比其他兄弟討論，
小錯不用理會，因上來的水準參差，
若一發表便被打沉就無興趣再上來，
通過互相討論，答案便會自動修正。
5. 題外話太多，正常 ::)
香港人壓力太大了，要宣洩 ;D
-
張兄講得好。呢個制度我喜歡，活動教學甘就容易吸收哪。
-
高手！
原來是指齋看唔發貼的就是高手。悟................明白！我也要做高手！ ;) ;) ;)
-
Cheung 師兄:
擁有超高技術又如何,可以帶得落棺材咩,不如無私教下d後輩,壯大電燈行業!!!!!
個人意見：
技術唔係話人地講下，你就收到。就算將個人技術一野過曬曬出來，未必個個受得，到時又會有路人乙話：『搞錯，講埋晒d廢話，咁自私!』
唔通你覺得而家回覆問題d師傅有保留、好自私?
比起『齋看唔發貼』，佢地已經好好......
-
King師兄:
我明白,有d野唔可以一講就可以明白,係要夠經驗,要夠實踐,但起碼吸收到一d 基本概念,
相等於學校老師教學生,唔一定個個吸收得哂,有人會吸收多d,有人吸收小d.
sorry 睇錯左.......
-
全力反對120字回貼
-
King師兄:
我明白,有d野唔可以一講就可以明白,係要夠經驗,要夠實踐,但起碼吸收到一d 基本概念,
相等於學校老師教學生,唔一定個個吸收得哂,有人會吸收多d,有人吸收小d.
另外我要d小小意見,照現時回貼,需要打上120個字才可送出,我明白是防止吹水,壇主你有冇唸過呀,如果提問者想多謝回貼者的回覆,咪要打120個字以表謝意?唔好睇少一句短短的(謝謝,唔該,thx......等)這就是回貼的原動力.
(要以120字回貼一定難到我,但對某d 吹水高人起唔到絲毫作用.......哈哈!!!!) :o
Dickwong:
要以120字回貼 ??? ???
你是否搞錯，
120字好困難，我經常都無，
係咪你將不少於120秒誤以為120字 ::)
-
test
-
sorry sorry 我搞錯了...是120秒......