機電署有封英文信寄出0黎

[Eric Wan]

機電署有封英文信寄出0黎

呢幾日有個行家收到機電署一封全英文的信，

搲曬頭之際，於是四出問人係講乜，

係唔係扣分、照肺定係警告？

有位兄弟問到我，我就話...................

強哥，乜你做0左好多虧心事咩？做乜咁驚青，

佢話近日入0左份 WR2 仲未有回音，唔知係唔係有問題

我話宜家已經回歸0左，反轉張紙睇中文啦！

點知佢話連信封都劏開，一隻中文都冇，就一手塞過0黎畀我睇，

我反來反去就真係冇中文，但又唔識睇 D 雞腸，就話......

強哥，依家挨年近晚，忙到踢曬腳，好難同你解釋呢 D 法律文件喎，

你等得就擺低，唔等得就拎上律師行問。

點知強哥話，你幫我睇啦，唔該啦！

[Eric Wan]

好衰唔衰強哥平時成日請我飲三點三，又唔知點解佢搵個有 D 文化嘅老友都冇，

乜都問我，攪到我都以為自己真係好博學多才，唯有返屋企查字典，

一查就查0左成日，足足成工人，都唔知好唔好開番強哥一工，

原來封信話→

MG 廠商有一批04-08年生產嘅制柜電容，有可能會著火，

叫我0地閂0左先，再打電話畀代理，電話係 2579 9508
不過強哥用親都係土炮電容，而且用三幾年都燒0左，計落都燒得八八九九，

所以上述消息同佢無關。