0 會員 與 1 訪客 正在閱讀本文。
Q 兄:你有六千蚊退稅,你咪搵好多?!做水喉好過做電氣!我連預繳都係千幾蚊! :'(喊得一句句! 我細個已經學水電,早知做水唔做電!
Q 兄:現有(強積金)點有隻眼開隻眼閉!江湖兇險好難行。97年780一工仲包茶煙飯,一個金融風暴加八萬五,老闆走佬走糧有汗出無糧出,人工每年向下,去到沙士年代最低大工450。日子難過也要過,以為上年有好景到,扎鐵佬帶頭叫加人工叫到上街,連電器工會都要叫加人工,以為可以返到家鄉,點知最高都係750。加得嗰幾個月,好景不常又整個金融海蕭,人工又要減,現在只有650~680。走江湖無假期無雙糧無病假,一年有幾多日工開?一年要交幾舊水稅已經唔錯!